ராசி(zodiac sign) என்றால் என்ன? – பிறந்த நேரத்தின் பிரபஞ்சக் குறியீடு

ராசிகளின் தனிமம்:-

• நெருப்பு (தீ): 

நெருப்பு தனிமத்தைக் கொண்ட ராசிக்காரர்கள் ஆற்றல், உத்வேகம் மற்றும் தலைமைப் பண்பு மிக்கவர்களாக இருப்பார்கள். அவர்கள் தங்களின் இலக்குகளை அடையத் தீவிரமாக முயற்சி செய்வார்கள். 

மேஷம் ராசி (zodiac sign) : இயற்கையாகவே தலைமைப் பண்பு கொண்டவர்கள். இவர்கள் தைரியம் மற்றும் தன்னம்பிக்கை மிக்கவர்கள்.

சிம்மம் ராசி: படைப்பாற்றல், தாராள மனப்பான்மை மற்றும் தன்னம்பிக்கை நிறைந்தவர்கள். பிறரின் கவனத்தை ஈர்ப்பதில் வல்லவர்கள்.

தனுசு ராசி: சுதந்திரமான, உற்சாகமான மற்றும் சாகச விரும்பிகள். சவால்களை விரும்புபவர்கள். 

• நிலம்:

நிலம் தனிமத்தைக் கொண்ட ராசிக்காரர்கள் நடைமுறைக்குரிய, உறுதியான மற்றும் நம்பகமான நபர்கள். இவர்கள் ஸ்திரத்தன்மையையும், பாதுகாப்பையும் விரும்புவார்கள். 

ரிஷபம் ராசி (zodiac sign): பொறுமை, பிடிவாத குணம் மற்றும் உறுதியான மனப்பான்மை கொண்டவர்கள். அழகு மற்றும் சுகபோக வாழ்க்கையை விரும்புபவர்கள்.

கன்னி ராசி: துல்லியமான, உழைப்பாளி மற்றும் பகுப்பாய்வு செய்யும் குணம் கொண்டவர்கள். ஒழுக்கத்தையும், முழுமையையும் எதிர்பார்ப்பவர்கள்.

மகரம் ராசி: லட்சியவாதி, கடின உழைப்பாளி மற்றும் பொறுப்புள்ளவர்கள். தங்கள் கடமைகளை நிறைவேற்றுவதில் உறுதியாக இருப்பவர்கள். 

• காற்று:- 

காற்று தனிமத்தைக் கொண்ட ராசிக்காரர்கள் அறிவார்ந்த, தொடர்புத் திறன் மிக்க மற்றும் புத்திசாலித்தனம் கொண்டவர்கள். இவர்கள் எப்போதும் புதிய கருத்துகளையும், தகவல்களையும் பரிமாறிக்கொள்வார்கள். 

மிதுனம்: சுறுசுறுப்பான, புத்திசாலி மற்றும் பல்துறை திறன் கொண்டவர்கள். புதிய விஷயங்களை அறிய ஆர்வமுள்ளவர்கள்.

துலாம்: நியாயம், சமநிலை மற்றும் இணக்கமான மனப்பான்மை கொண்டவர்கள். சமூகத்தில் நல்லுறவை விரும்புபவர்கள்.

கும்பம்: புதுமையான, சுதந்திரமான

மற்றும் சமூக அக்கறை கொண்டவர்கள். மனிதநேய சிந்தனையுடன் தனித்துவமானவர்களாக இருப்பார்கள். 

12 ராசிகள் மற்றும் குணாதிசயங்கள்:-

ராசிகளின் தனிமங்கள், ஆளும் கிரகங்கள் மற்றும் குணாதிசயங்கள் தனித்தனியான துணைப்பிரிவுகளாகப் பிரிக்கப்பட்டு இங்கே விளக்கப்பட்டுள்ளன. 

மேஷம்

தனிமம்: நெருப்பு

ஆளும் கிரகம்: செவ்வாய்

குணாதிசயங்கள்: தைரியம், தன்னம்பிக்கை, ஆற்றல், மற்றும் தலைமைப் பண்பு கொண்டவர்கள். சில சமயங்களில் பொறுமையற்றவர்களாகவும் இருப்பார்கள். 

ரிஷபம்

தனிமம்: நிலம்

ஆளும் கிரகம்: சுக்கிரன்

குணாதிசயங்கள்: உறுதியான, நம்பகமான மற்றும் நடைமுறைக்குரியவர்கள். கலை மற்றும் சுகபோக வாழ்க்கையை விரும்புவார்கள். 

மிதுனம்

தனிமம்: காற்று

ஆளும் கிரகம்: புதன்

குணாதிசயங்கள்: புத்திசாலித்தனம், பன்முகத்தன்மை, நகைச்சுவை உணர்வு மற்றும் விரைவான தகவல்தொடர்பு திறன் கொண்டவர்கள். 

கடகம்

தனிமம்: நீர்

ஆளும் கிரகம்சந்திரன்

குணாதிசயங்கள்: உணர்ச்சிபூர்வமான, கனிவான மற்றும் குடும்பத்தின் மீது அதிக பாசம் கொண்டவர்கள். மற்றவர்களின் தேவைகளை உணர்ந்து உதவுபவர்கள். 

சிம்மம்

தனிமம்: நெருப்பு

ஆளும் கிரகம்: சூரியன்

குணாதிசயங்கள்: தன்னம்பிக்கை, தலைமைப் பண்பு, தாராள மனப்பான்மை, மற்றும் ஆளுமைத்திறன் கொண்டவர்கள். 

கன்னி

தனிமம்: நிலம்

ஆளும் கிரகம்: புதன்

குணாதிசயங்கள்: உழைப்பாளி, கூச்ச சுபாவம் கொண்ட, நுண்ணறிவு மிக்கவர்கள். தனக்கென தனி பாணியில் செயல்படுவார்கள். 

துலாம்

தனிமம்: காற்று

ஆளும் கிரகம்: சுக்கிரன்

குணாதிசயங்கள்: சமநிலை, நியாயம் மற்றும் இணக்கமான மனப்பான்மை கொண்டவர்கள். அனைவருடனும் இணைந்து செல்வார்கள். 

விருச்சிகம்

தனிமம்: நீர்

ஆளும் கிரகம்: செவ்வாய்

குணாதிசயங்கள்: ஆழமான சிந்தனை, மர்மம் மற்றும் காந்த சக்தி கொண்டவர்கள். உணர்ச்சிவசப்படக்கூடியவர்களாகவும் இருப்பார்கள். 

தனுசு

தனிமம்: நெருப்பு

ஆளும் கிரகம்: குரு

குணாதிசயங்கள்: தத்துவார்த்தம், நேர்மை, சுதந்திரமான மற்றும் சாகச விரும்பிகள். எந்த விஷயத்திற்கும் கோபப்படாமல் சூழலை கையாளக்கூடியவர்கள். 

மகரம்

தனிமம்: நிலம்

ஆளும் கிரகம்: சனி

குணாதிசயங்கள்: கடின உழைப்பு, லட்சியம் மற்றும் பொறுப்புள்ளவர்கள். அடிமட்டத்தில் இருந்து கடினமாக உழைத்து முன்னேறுவார்கள். 

கும்பம்

தனிமம்: காற்று

ஆளும் கிரகம்: சனி

குணாதிசயங்கள்: புதுமையான, சுதந்திரமான மற்றும் மனிதநேயம் கொண்டவர்கள். அறிவார்ந்த சிந்தனையுடன், புன்சிரிப்போடு பேசும் குணம் கொண்டவர்கள். 

மீனம்

தனிமம்: நீர்

ஆளும் கிரகம்: குரு

குணாதிசயங்கள்: கற்பனைத்திறன், கருணை மற்றும் கலை ஆர்வம் மிக்கவர்கள். வித்தியாசமாக சிந்திப்பவர்கள். குருவின் ஆளுகையால் நல்ல மனப்பக்குவம் கொண்டவர்கள். 

சூரிய ராசி, சந்திர ராசி, லக்னம் – மூன்றின் வேறுபாடு:-

சூரிய ராசி, சந்திர ராசி (zodiac sign) மற்றும் லக்னம் (Ascendant) ஆகியவை மூன்றும் ஒரு நபரின் ஆளுமை அமைப்பை தீர்மானிக்கின்றன. சூரிய ராசி நம் வெளிப்படையான ஆளுமையையும், வாழ்க்கையில் நாம் எப்படிப் பிரதிபலிக்கிறோம் என்பதையும் காட்டுகிறது. சந்திர ராசி நம் மனநிலை, உணர்ச்சி, மற்றும் உள்ளுணர்வை வெளிப்படுத்துகிறது.

லக்னம் என்பது பிறந்த நேரத்தில் கிழக்கில் எழுந்திருந்த ராசி; இது நம்முடைய வாழ்க்கை பாதை, உடல் அமைப்பு, மற்றும் வெளிப்புற நடத்தை ஆகியவற்றைத் தீர்மானிக்கிறது. ஒருவரிடம் சிம்ம லக்னம், கடக சந்திர ராசி, மற்றும் கன்னி சூரிய ராசி இருக்கலாம் - இதனால் அவர் தலைமைப் பண்பும், உணர்ச்சிவசப்பட்ட மனமும், பகுப்பாய்வு திறனும் கொண்டவராக இருப்பார்.

ராசி(zodiac sign) மற்றும் சப்தங்கள் ஒலி:- 

பழைய வேத ஜோதிடமும் நாத யோகமும் கூறுவதுபோல், “ஒலி” என்பது பிரபஞ்சத்தின் முதல் வடிவம். “ஓம்” எனும் ஆதித் தத்துவம் ஒலியாகவே வெளிப்பட்டது, அதிலிருந்து தான் அனைத்து கிரகங்களும், ராசிகளும், உயிர்களும் உருவாகின. அதனால் ஒவ்வொரு ராசிக்கும் தனித்துவமான நாத அதிர்வு (Sonic Vibration) இருக்கும் என்று கூறப்படுகிறது.

நாம் பேசும் ஒவ்வொரு எழுத்தும் ஒரு அதிர்வை உருவாக்குகிறது. அந்த அதிர்வுகள், நம்முடைய ராசியின் மூலதன்மையுடன் (தீ, நிலம், காற்று, நீர்) இணைந்தபோது, நம்முடைய மனம், உடல், வாழ்க்கை அனைத்திலும் அதிர்ச்சி ஏற்படுத்தும்.

இதுவே பெயருக்கு ராசிக்கு (zodiac sign) ஏற்ப முதல் எழுத்து வைப்பதன் பின்னணி காரணம். இது வெறும் பழக்க வழக்கம் அல்ல - இது ஒரு ஆற்றல் ஒத்திசைவு முறை.

உதாரணமாக –

மேஷம் (நெருப்பு ராசி): “சு”, “சே”, “சோ”, “லா” போன்ற எழுத்துக்கள் நெருப்பு சக்தியை உற்சாகமாக மாற்றுகின்றன. அவை தைரியம், முனைப்பை, வெற்றி உணர்வை அதிகரிக்கும்.

ரிஷபம் (நில ராசி): “வே”, “வோ”, “வா” போன்ற எழுத்துகள் நிலத்தின் உறுதியை, பொறுமையை, பொருளாதார ஸ்திரத்தன்மையை பெருக்கும்.

மிதுனம் (காற்று ராசி): “க”, “கீ”, “கு”, “கே” போன்ற நாதங்கள் சிந்தனை மற்றும் தொடர்பு திறனை நயமாக்குகின்றன.

மீனம் (நீர் ராசி): “தே”, “தோ”, “சா”, “சி” போன்ற எழுத்துக்கள் நீரின் ஆழத்துடன் ஒத்திசைந்து, மன அமைதியையும் ஆன்மீகத்தையும் தூண்டும்.

இவ்வாறு ஒவ்வொரு ராசிக்கும் ஒலி ஒரு “சுரம்” போல வேலை செய்கிறது -  தவறான சுரம் ஒத்திசைவற்ற இசை போல மனத்தையும் சுழற்சியையும் குழப்பம் ஏற்படுத்தும்; சரியான சுரம் அமைதியையும் சமநிலையையும் தரும்.

இதை தான் பழைய மந்திரசாஸ்திரங்கள் “நாத பிரபஞ்ச விதி” என்று கூறுகின்றன -

“சப்தம் பிரபஞ்சத்தின் இதயம்; அதனுடன் ஒத்திசைந்தவன் பிரபஞ்சத்தோடு ஒன்றாகிவிடுவான்.”

இன்று அறிவியலும் இதை ஆதரிக்கிறது. ஒலி அலைகள் தசைகள், நரம்புகள், மூளையின் அலைவரிசைகள் வரை பாதிக்கின்றன என்று நியூரோசயின்ஸ் கூறுகிறது. அதாவது, நாம் தினசரி உச்சரிக்கும் நாமம் (Name) கூட நம் உடல் ஆற்றலைப் பாதிக்கிறது.

அதனால் “ராசிக்கு ஏற்ற பெயர்” என்பது ஜோதிட நம்பிக்கையைத் தாண்டி -அதிர்வியல் அறிவியல் (Vibrational Science) எனும் உண்மை. ஒருவர் தம் ராசிக்கேற்ப ஒலி அதிர்வில் வாழ்ந்தால், அவர் வாழ்க்கையில் “சமநிலை” இயற்கையாக உருவாகும்.

இதுவே “நாத யோகம்” மற்றும் “ஜோதிட அதிர்வு அறிவியல்” இணையும் தெய்வீக சங்கம புள்ளி. அதாவது, பிரபஞ்சத்தின் ஒலி மற்றும் மனிதனின் ஒலி ஒன்றாகும் இடம்.

ராசி(zodiac sign) மற்றும் நிறங்கள் :-

ஒளி என்பது வெறும் காட்சி சக்தி அல்ல; அது உயிரின் அதிர்வு மொழி. ஒவ்வொரு ராசியும் ஒரு தனித்த அதிர்வியல் புலம் (vibrational field) கொண்டது. அந்த அதிர்வுடன் மிக அருகாமையாக இணையும் ஒளி அதிர்வே அந்த ராசிக்கான “அதிர்வியல் நிறம்”. இந்த நிறம் மனிதனின் மனநிலைக்கும், உயிர்ச்சக்திக்கும் நேரடி தாக்கம் அளிக்கிறது.

எடுத்துக்காட்டாக, சிம்ம ராசி சூரியனின் ஆற்றலால் வழிநடத்தப்படுவதால், தங்க நிறமும் ஆரஞ்சு நிறமும் அதன் இயல்பை பிரதிபலிக்கின்றன. இந்நிறங்கள் தைரியம், செல்வாக்கு, மற்றும் உற்சாகத்தை அதிகரிக்கும்.

கடக ராசி, சந்திரனின் ஆளுமையில் இருப்பதால், வெள்ளை மற்றும் வெள்ளி நிறங்கள் அமைதியையும் கருணையையும் பிரதிபலிக்கின்றன.

கும்ப ராசி (zodiac sign) காற்று தன்மை கொண்டதால், நீலம் மற்றும் சாம்பல் நிறங்கள் அதன் அறிவார்ந்த, சிந்தனைமிக்க தன்மையை வலுப்படுத்துகின்றன.

இந்த நிறங்கள் வெறும் அலங்காரம் அல்ல; அவை ஒளியால் உருவாகும் அதிர்வியல் மருந்துகள் போன்றவை. இதுவே “Chromotherapy + Astrology” எனப்படும் இணை விஞ்ஞானத்தின் மையக் கருத்து. சரியான நிற ஆடை அணிதல், அறை வண்ணம், அல்லது தினசரி சூழலில் அந்த நிறத்தைச் சேர்த்துக்கொள்வது கூட, ராசியின் அதிர்வை சமநிலைப்படுத்தும்.

ஒவ்வொரு ராசியும் தன் வண்ணத்தின் வழியாக பிரபஞ்சத்துடன் பேசுகிறது - அது நம்முள் மறைந்திருக்கும் ஒளி அதிர்வின் உள் சக்தியை எழுப்புகிறது.

 ராசி மற்றும் மந்திரம்:-

ஒலி என்பது பிரபஞ்சத்தின் முதலாவது வடிவம். “நாதம்” என்ற ஒலி அதிர்வு தான் அனைத்து ஆற்றல்களின் பிறப்பிடம் என வேதங்கள் கூறுகின்றன. அதுபோல ஒவ்வொரு ராசிக்கும் ஒரு பீஜ மந்திரம் (Seed Mantra) உள்ளது - அந்த ஒலி அதிர்வு, அந்த ராசி (zodiac sign) ஆளும் கிரகத்தின் அதிர்வுடன் நேரடியாக இணைகிறது.

உதாரணமாக, மேஷ ராசி செவ்வாய் கிரகத்தின் ஆளுமையில் இருப்பதால், “ஓம் அங்காராய நம” என்ற மந்திரம் அதன் அக்னி ஆற்றலை சமநிலைப்படுத்தும்.
ரிஷபம் சுக்கிரனால் வழிநடத்தப்படும்; “ஓம் சுக்ராய நம” என்ற மந்திரம் அதன் நிதானத்தையும் கவர்ச்சியையும் வலுப்படுத்தும்.
மிதுனம் புதனால் ஆளப்படுகிறது; “ஓம் புத்தாய நம” என்ற மந்திரம் அதன் சிந்தனை நுட்பத்தையும் வார்த்தை ஆற்றலையும் உயர்த்தும்.

மந்திரங்கள் வெறும் மதச் சடங்குகள் அல்ல; அவை “சூழல் அதிர்வுகளை மறுஉருவாக்கும் ஒலி கோடுகள்”. ஒவ்வொரு மந்திரமும் ஒரு குறிப்பிட்ட அதிர்வெண் (frequency) கொண்டது. அந்த அதிர்வெண் நம் உடல் நரம்பியல் அதிர்வுடன் ஒத்திசைதல் மூலம் கிரகங்களால் ஏற்படும் அதிர்ச்சிகளையும் தடைப்புகளையும் குறைக்கும்.

தினசரி 108 முறை ஜபம், ஆழமான மூச்சு இணைந்து செய்யப்பட்டால், அந்த மந்திரம் நம்முள் “கிரக சமநிலையின் குரல்” ஆக மாறும். ஒவ்வொரு ராசிக்கும் மந்திரம் என்பது வெளிப்படையான ஜோதிட பரிகாரம் மட்டுமல்ல; அது உள் ஆன்மாவை அதிர்வூட்டும் சக்தி.

மந்திரம் ஒரு ஒலி யோகம் -  அது மனதைத் தாண்டி பிரபஞ்ச அதிர்வுடன் நம்மை இணைக்கும் ஒரு  தெய்வீக பாலம்.

பெரும்பாலும் ராசி பலன்களின் வழிகாட்டுதலோடு நம் அடுத்த வாழ்க்கை முடிவுகளை புத்திசாலி தனமாக எடுத்தால் நாம் சுலபமாக வெற்றி பெறுவதுடன், வாழ்க்கை பயனை அடையலாம்.